شیون فومنی میرزا مرد میدان بو

شیون فومنی میرزا مرد میدان بو

دکلمه و آهنگ های قدیمی از شیون فومنی

موزر دوسته دنه میرزا مرد میدان بو

نه من نه تو که امی خانه سبز میدان بو

 

لینک دانلود آهنگ به همراه پخش آنلاین پایین صفحه

 

متن شعر شیون فومنی میرزا کوچک خان

موزر دوسته دانه میرزا مرد میدان بو

نه من نه تو که امی خانه سبزه میدان بو

نیشه می داغ منستان سفیدرودا خاطر که لاله لاله اون خون  دیل خروشان بو

اویه که پر فوکونه واشک هراس کوتر

جوخوفته کو سر  کبکانه ره خروس خوان بو

پائیز که ناجیه رختا درخت تن داشتی    اَ باغ ر اون  سایه ارش واگردان بو

پرنده بو که بهارا ارا اورا بوردی ایوار به کوی کمندان  ایوار به گیلان بو

هوجور که باد بزنه خیزرانَ مُردابا

همیشه خواب اونه شین جنگلِ پریشان بو

ورای دانه نو بو ، تا خو را به داما کشه

اَ نَر تُرنگِ شکاربان هه خلق ایمان بو

به دونیا زنده نانستی  نه شیخا نه شایا

خو آسمانِ ستاره ، خو سفره رِ نان بو

نفس دایی اَ هوا رِ ، نفس نفس گوفتی

گیلانِ حافظِ جان همت ِ جوانان بو

چره گی میرزایا خان ، خان اونه کوچیکا کونه

اونی که رعیتَ خونَ بوخوردبو ، خان بو

ورق ورق تَره تاریخه جَ دهه ایشتاو

گیلان مَشتِگی الان ، می خانه آبدان بو

به خون بینیشته غروب دم ایتا زمستان روز

گیلانِ خلقِ ستاره می کاس چومان بو

چره گولاز نوکونه شاعرانِ جی شیون

تی وصفِ حالِ رِ وختی قلم به فرمان بو

موزر دوسته دانه میرزا مردِ میدان بو

نه من ، نه تو که اَمی خانه سبزِمیدان بو

(شاعر: شیون فومنی)

---

Shivan Foomani – Mirza